|
|
|
|
|
|
|
|
|
| Վիգեն Չեթերյան <<Պատերազմը և խաղաղությունը Կովկասում>> |
|
|
|
|
ՀՀ ԳԱԱ Արևելագիտության ինստիտուտի Երիտասարդ արևելագետների գիտական խորհրդի նախաձեռնությամբ հունիսի 10-ին Արևելագիտության ինստիտուտի ընթերցասրահում զեկուցումով հանդես է եկել դոկտոր Վիգեն Չեթերյանը <<Պատերազմը և խաղաղությունը Կովկասում>> թեմայով: Միջոցառմանը ներկա էին լրատվամիջոցների ներկայացուցիչներ:
Վիգեն Չեթերյանն աշխատել է լրագրող և երկար տարիներ թղթակցել ֆրանսիական ու շվեյցարական թերթերին: Նա եղել է կովկասյան տարածաշրջանի բոլոր թեժ գոտիներում: 1992 թ. առաջին անգամ այցելել է Լեռնային Ղարաբաղ և լուսաբանել պատերազմական գործողությունները: Ավելի ուշ նա եղել է Չեչնիայում և Վրաստանում: Երկար տարիներ վերլուծելով Խորհրդային Միության փլուզումից հետո այս տարածաշրջանում ծագած հիմնախնդիրները` իր ուսումնասիրությունների հիման վրա Վիգեն Չեթերյանը գրել է <<Պատերազմը և խաղաղությունը Կովկասում>> խորագրով աշխատություն, որը լույս է տեսել Մեծ Բրիտանիայում ու ԱՄՆ-ում:
Վիգեն Չեթերյանն իր զեկուցումում հիմնականում անդրադարձել է գրքում տեղ գտած դրույթներին և ներկայացրել իր տեսակետը կովկասյան տարածաշրջանում ծագած հիմնախնդիրների վերաբերյալ:
Զեկուցման ավարտից հետո բանախոսի և ներկանների միջև քննարկում է ընթացել տարածաշրջանի հիմնախնդիրների շուրջ: Լրագրողները հարցեր են ուղղել բանախոսին` փորձելով պարզել վերջինիս տեսակետը ղարաբաղյան հիմնախնդրի, Իսրայել-Թուրքիա հարաբերություններում ծագած ճգնաժամի, տարածաշրջանում Իրանի ազդեցության մեծացման հավանականության վերաբերյալ:
|
|
|
|
|
|
|
|
|
|
|
