|
|
|
|
|
|
|
|
|
| ՄԻՋԱԶԳԱՅԻՆ ԳԻՏԱԺՈՂՈՎ, ՀԱՅԿԱԶՈՒՆԻՆԵՐ. ԱՌԱՍՊԵԼ ԵՎ ՊԱՏՄՈՒԹՅՈՒՆ |
|
|
|
|
ՀՀ ԳԻՏՈՒԹՅՈՒՆՆԵՐԻ ԱԶԳԱՅԻՆ ԱԿԱԴԵՄԻԱ
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ
ՄԻՋԱԶԳԱՅԻՆ ԳԻՏԱԺՈՂՈՎ
ՀԱՅԿԱԶՈՒՆԻՆԵՐ. ԱՌԱՍՊԵԼ ԵՎ ՊԱՏՄՈՒԹՅՈՒՆ
Հայաստանի հանրապետության գիտությունների ազգային ակադեմիան և ԵՊՀ 2012 թ. հունիսի 5-6-ը նախատեսում է միջազգային գիտաժողով` «Հայկազունիներ. առասպել և պատմություն» թեմայով, որը տեղի կունենա Երևանում` ՀՀ ԳԱԱ նախագահության նիստերի դահլիճում:
Գիտաժողովը նվիրված է հայոց պատմության կարևորագույն փուլի` Հայկազունիների, նրանց դերի, հայ ինքնության ձևավորման հիմնախնդիրներին: Գիտաժողովի նպատակն է հայագիտության, արևելագիտության, հնագիտության, ազգագրության, լեզվաբանության, մարդաբանության և հայագիտության այլ բնագավառներում արձանագրված ձեռքբերումների, հայկական ու օտար աղբյուրների հիմնավոր քննությամբ անդրադառնալը Հայաստանի հնագույն շրջանի պատմության և ավանդույթների ակունքներին, ճշտել առասպելաբանության ու պատմականության շրջանակը և սահմանագիծը, զուգահեռաբար ներկայացնել հայ ժողովրդի ու հայոց պետականությունների կազմավորման գործընթացները: Դրանով հիմք կդրվի քննարկումների, որոնց շնորհիվ հնարավորություններ կստեղծվեն հաղթահարելու այդ բնագավառում առկա հիմնական տարակարծությունները:
Գիտաժողովն անց է կացվում Տեր և Տիկին Էդվարդ և Վերժինե Մսըրլյանների մեկենասությամբ: Ակնկալվում է ինչպես Հայաստանի, այնպես էլ արտերկրի մասնագետների մասնակցությունը:
Զեկուցումների համար սահմանվում է մինչև 15 րոպե ժամանակ: Գիտաժողովի նյութերը կհրատարակվեն առանձին գրքով:
Զեկուցումների հայտերը և հիմնադրույթները (մինչև երեք էջ ծավալով, տպագիր և խտասկավառակով, օտար լեզուները Times New Roman, հայերենը Unicode տարբերակով, տառաչափը 12, տողամիջյան հեռավորությունը` 1,5) ընդունվում են մինչև 2012 թ. մարտի 10-ը հետևյալ հասցեով` Մարշալ Բաղրամյան 24/4, ՀՀ ԳԱԱ պատմության ինստիտուտի գիտքարտուղար Հ. Մուրադյանին /էլ. փոստ` muradyanhakob@yahoo.com/:
Գիտաժողովի կազմկոմիտեն իրավասու է ընտրություն կատարելու ներկայացվող զեկուցումների հարցում:
Մանրամասն տեղեկությունների համար դիմել վերոհիշյալ հասցեով կամ զանգահարել 58-19-31 հեռախոսահամարով:
Հղումների նմուշներ
Ալիշան Ղ., Սիսուան, Վենետիկ, 1885, էջ 15:
Ղազախեցյան Վլ., Հայկական միացյալ պատվիրակության գործունեությունը Լոզանի կոնֆերանսում (1922-1923 թթ.),-Բանբեր Հայաստանի արխիվների, 2007, N 1-2, էջ 98:
Мелконян Э., Армянский всеобщий благотворительный союз: неоконченная история, Ер., 2010, с. 485.
Danielyan E., Civilizational factors of Armenian sea trade development and the international competition in the17th century // 21st century, 2011, N 1, p. 47-53.
Погосян В. А., Марк-Антуан Жюльен и выборы VI года // Французский ежегодник-2009, М., 2009, с. 119-138.
ԳԻՏԱԺՈՂՈՎԻ ԿԱԶՄԿՈՄԻՏԵ
Վ.Բ. Բարխուդարյան - ՀՀ ԳԱԱ նախագահության խորհրդական, ՀՀ ԳԱԱ ակադեմիկոս (նախագահ)
Յու. Մ. Սուվարյան - ՀՀ ԳԱԱ Հայագիտության և հասարակական գիտությունների բաժանմունքի ակադեմիկոս- քարտուղար
Ա.Ա. Մելքոնյան - ՀՀ ԳԱԱ պատմության ինստիտուտի տնօրեն, ՀՀ ԳԱԱ թղթակից անդամ
Բ.Հ. Հարությունյան - ԵՊՀ հայոց պատմության ամբիոնի վարիչ, ՀՀ ԳԱԱ թղթակից անդամ
Պ.Մ. Ավետիսյան - ՀՀ ԳԱԱ հնագիտության և ազգագրության ինստիտուտի տնօրեն, պ.գ.թ
Ա.Վ. Քոսյան - ՀՀ ԳԱԱ արևելագիտության ինստիտուտ, պ.գ.դ.
Ա.Ի. Շահնազարյան – պատմաբան
Հ.Ղ. Մուրադյան - ՀՀ ԳԱԱ պատմության ինստիտուտի գիտական քարտուղար, պ.գ.թ. (պատասխանատու քարտուղար)
|
|
|
|
|
|
|
|
|
|
|
