ՀԱՅ ENG РУС
Մեր մասին
Տնօրեն
Ինստիտուտի գրադարան և հրապարակումներ
Նորություններ
Հայտարարություններ
Արևելագիտությունը Հայաստանում
Երիտասարդ արևելագետ
Գիտական խորհուրդ
Ասպիրանտուրա և մագիստրատուրա
Միջազգային կապեր
Կապ մեզ հետ
Նորություններ
09.11.2015
    2015 թ. հոկտեմբերի 29-30-ին ՀՀ ԳԱԱ Արևելագիտության ինստիտուտում տեղի ունեցավ գիտաժողով՝ «Արաբագիտության արդի հիմնախնդիրները» թեմայով, որը նվիրված էր ՀՀ ԳԱԱ թղթակից անդամ, պրոֆ. Նիկոլայ Հովհաննիսյանի 85-ամյակին:
    Գիտաժողովը բաղկացած էր երեք նիստից: Առաջին նիստը նվիրված էր պրոֆ. Նիկոլայ Հովհաննիսյանի աշխատություններում տարբեր հիմնախնդիրների հետազոտությանը, երկրորդ նիստի զեկուցումները ներառում էին թեմաներ, որոնք վերաբերում էին արդի փուլում Արաբական աշխարհում ընթացող վերափոխումների և զարգացումների քննությանը, իսկ երրորդ նիստի թեմատիկան հիմնականում ընդգրկում էր միջնադարագիտական, իսլամագիտական և լեզվաբանական հետազոտություններով զեկուցումներ: Գիտաժողովը հանրապետական էր և մասնակիցները հիմնականում ներկայացնում էին ՀՀ ԳԱԱ Արևելագիտության ինստիտուտը՝ հատկապես արաբական երկրների բաժինը, Երևանի պետական համալսարանի արաբագիտության ամբիոնը, ԵՊՀ քաղաքակրթական և մշակութային հետազոտությունների կենտրոնը, Երևանի Վ. Բրյուսովի անվան լեզվահասարակագիտական համալսարանը և այլն:
    Պրոֆ. Նիոկոլայ Հովհաննիսյանի 85-ամյակին նվիրված միջոցառումներն ամփոփվեցին նոյեմբրի 4-ին, երբ Արևելագիտության ինստիտուտում Հայաստանի Հանրապետությունում Լեռնային Ղարաբաղի Հանրապետության ներկայացուցիչ Կառլեն Ավետիսյանը ԼՂՀ նախագահ Բակո Սահակյանի անունից Ղարաբաղին մատուցած ծառայությունների համար և 85-ամյակի կապակցությամբ պրոֆ. Նիկոլայ Հովհաննիսյանին հանձնեց ԼՂՀ նախագահի պարգևը՝ «Երախտագիտություն» մեդալը:

. title=
Copyright © 2008-2017; The Institute of Oriental Studies.All rights reserved.
The website was developed under the sponsorship of Rouben Karapetyan, Ambassador Extraordinary and Plenipotentiary of the Republic of Armenia in the Arab Republic of Egypt.
Designed by G.Pashayan
Coding by G.Petrosyan (CLN)