ՀԱՅ ENG РУС
Մեր մասին
Տնօրինություն, վարչական անձնակազմ
Ինստիտուտի գրադարան և հրապարակումներ
Նորություններ
Հայտարարություններ
Արևելագիտությունը Հայաստանում
Երիտասարդ արևելագետ
Գիտական խորհուրդ
Ասպիրանտուրա և մագիստրատուրա
Միջազգային կապեր
Կապ մեզ հետ
Նորություններ
ՀՀ ԳԱԱ Գիտակրթական միջազգային կենտրոնի Արևելագիտության ամբիոնի վարիչ` Ռ. Ղազարյանի և ԳԿՄԿ ՈւԳԸ...
   ՀՀ ԳԱԱ Գիտակրթական միջազգային կենտրոնի Արևելագիտության ամբիոնի վարիչ` Ռ. Ղազարյանի և ԳԿՄԿ ՈւԳԸ նախագահ` Մ. Փարսադանյանի նախաձեռնությամբ ս.թ. հուլիսի 9-13 տեղի ունեցավ «Արդի տարածաշրջանային հիմնախնդիրներ. մարտահրավերներ և հնարավորություններ» խորագրով մասնագիտական երկրորդ դպրոցը, որին մասնակցում էին Գիտակրթական միջազգային կենտրոնի ուսանողները և ՀՀ բարձրագույն ուսումնական հաստատությունների ուսանողները:
   Դասընթացի առաջին օրը ԳԿՄԿ-ում հյուրընկալվեցին պոլսահայ համայնքի ներկայացուցիչները: Սարին Ագպաշը ներկայացրեց պոլսահայ համայնքի և երիտասարդների հայապահպանության հիմնախնդիրները: Հատուկ ուշադրություն դարձվեց նաև Կ. Պոլսի հայկական վարժարանների և մամուլի առջև ծառացած խնդիրներին:
   Հաջորդ օրը «Ադրբեջանի ժողովրդագրական պատկերը և էթնիկ խնդիրները» թեմայով ելույթ ունեցավ ՀՀ ԳԱԱ արևելագիտության ինստիտուտի գիտաշխատող, պ.գ.թ. Վարդան Գալստյանը: Հիմնավոր ապացույցներ ներկայացվեցին Ադրբեջանի կեղծ ժողովրդագրական պատկերի վերաբերյալ: Խոսք գնաց նաև Ադրբեջանի Հանրապետության ազգային փոքրամասնությունների ներգրավվածության մասին այդ պետության ներքաղաքական կյանքում:
   Հուլիսի 11-ին ք.գ.թ. Մհեր Սահակյանը ներկայացրեց «Մեկ գոտի, մեկ ճանապարհ» նախաձեռնության գործոնը Չինաստանի անվտանգության տեսանկյունից, իրականացման նպատակներն ու առանձնահատկությունները, այդ ինտեգրացիոն նախաձեռնությունում ՀՀ ներգրավման հեռանկարները» դասախոսությունը: Որպես արևելագետ-չինագետ բանախոսը ներկայացրեց դարաշրջանի կարևորագույն քաղաքական-տնտեսական ծրագիրը և ՀՀ հնարավոր ներգրավվածությունը այդ գործընթացներում:
   Հուլիսի 12-ին դասախոսությամբ հանդես եկավ ՀՀ ԳԱԱ արևելագիտության ինստիտուտի գիտաշխատող, պ.գ.թ. Մաիլյան Բենիամինը: Բանախոսը հանգամանալից կերպով ներկայացրեց Վրաստանի արտաքին քաղաքականությունը Հարավային Կովկասում: Առանձնահատուկ շեշտ դրվեց ռուս-վրացական հակասությունների պատմությանը:
   Հուլիսի 13-ին ք.գ.թ. Էմիլ Օրդուխանյանը ներկայացրեց «Տարածաշրջանային զարգացումների և այդ համատեքստում Հայաստանի Հանրապետության արտաքին քաղաքականությունը» վերնագրով դասախոսությունը: Քաղաքագետը առանձնահատուկ շեշտ դրեց մերօրյա քաղաքական իրադարձույթյունների վրա և դրանց ազդեցությունը մեր պետության արտաքին քաղաքականության վրա:
   Դասընթացի ավարտին ՀՀ ԳԱԱ ԳԿՄԿ Արևելագիտության ամբիոնի վարիչ` պ.գ.թ. Ռ. Ղազարյանը ներկայացրեց երիտասարդության շրջանում արևելագիտական գիտելիքների իմացության, ինչպես նաև ոչ ֆորմալ կրթության կարևորությունը: Ռ. Ղազարյանը ընդգծեց հարանման դասընթացների կարևորությունը և նշեց, որ այսուհետ նմանատիպ միջոցառումներն ու նախաձեռնությունները շարունակական բնույթ են կրելու: Մ. Փարսադանյանը իր շնորհակալությունը հայտնեց բոլոր բանախոսներին, Ռ. Ղազարյանին և ԳԿՄԿ տնօրինությանը դասընթացի կազմակերպմանն աջակցելու համար: Իր խոսքում նա նշեց նաև Արևելագիտության ամբիոնի գործունեության և կրթական ծրագրերի մասին: Վերջում հանդիսավորությամբ մասնակիցները ստացան «Արդի տարածաշրջանային հիմնախնդիրներ. մարտահրավերներ և հնարավորություններ» խորագրով մասնագիտական երկրորդ դպրոցի հավաստագրեր:

. title=
Copyright © 2008-2024; The Institute of Oriental Studies.All rights reserved.
The website was developed under the sponsorship of Rouben Karapetyan, Ambassador Extraordinary and Plenipotentiary of the Republic of Armenia in the Arab Republic of Egypt.
Designed by G.Pashayan
Coding by G.Petrosyan (CLN)