ՀԱՅ ENG РУС
Մեր մասին
Տնօրինություն, վարչական անձնակազմ
Ինստիտուտի գրադարան և հրապարակումներ
Նորություններ
Հայտարարություններ
Արևելագիտությունը Հայաստանում
Երիտասարդ արևելագետ
Գիտական խորհուրդ
Ասպիրանտուրա և մագիստրատուրա
Միջազգային կապեր
Կապ մեզ հետ
Նորություններ
«Հյուրընկալելով դեսպաններին» հանդիպում-քննարկումների շրջանակներում ս․թ․ հունիսի 22-ին ՀՀ ԳԱԱ Արևելագիտության ինստիտուտը հյուրընկալեց ՀՀ-ում Հնդկաստանի...
«Հյուրընկալելով դեսպաններին» հանդիպում-քննարկումների շրջանակներում ս․թ․ հունիսի 22-ին ՀՀ ԳԱԱ Արևելագիտության ինստիտուտը հյուրընկալեց ՀՀ-ում Հնդկաստանի արտակարգ և լիազոր դեսպան Ն․ Գ․ Կիշան Դան Դևալին և Հնդկաստանում ՀՀ արտակարգ և լիազոր դեսպան Ն․Գ․ Յուրա Բաբախանյանին։
Հայ-հնդկական հարաբերությունները քննարկվեցին Նյու Դելիի և Երևանի տեսանկյուններից։ Խոսվեց համագործակցության թույլ և ուժեղ կողմերի, աշխարհաքաղաքական և աշխարհատնտեսական կերպափոխումների և այդ համատեքստում Հնդկաստան-Հայաստան համագործակցության ամրապնդման անհրաժեշտության մասին։ Երկու երկրների դեսպանները ներկայացրեցին իրենց մոտեցումները երկկողմ հարաբերությունների զարգացման հեռանկարի և արդի իրողությունների մասին։ Նշվեց, որ դրանք զարգանալու մեծ հնարավորություն ունեն։ ՀՀ ԳԱԱ Արևելագիտության ինստիտուտի տնօրեն Ռոբերտ Ղազարյանը ողջունեց հյուրերին, խոսեց հայ-հնդկական քաղաքակրթական կապերի մասին, որոնք կարող են ծառայել համագործակցության զարգացմանը։ Ինստիտուտի Միջազգային հարաբերությունների բաժնի վարիչ Արաքս Փաշայանը նշեց, որ Արևելագիտության ինստիտուտը պատրաստ է աջակցել հայ-հնդկական գիտական կապերի ամրապնդմանը՝ հավատարիմ մնալով գիտական և հանրային դիվանագիտությանը իր նպաստը բերելու առաքելությանը։ Հանդիպմանը ներկա էին ՀՀ ԳԱԱ Արևելագիտության ինստիտուտի գիտաշխատողները։ Ծավալվեց հետաքրքիր քննարկում միջազգային հարաբերություններում Հնդկաստանի աճող դերակատության, տարածաշրջանային պետությունների միջև մրցակցության, փոփոխվող աշխարհի և Հայաստան-Հնդկաստան համագործակցությանը նպաստող գործիքակազմերի ձևավորման մասին։ Հանդիպումը նվիրված էր Հայաստան-Հնդկաստան դիվանագիտական հարաբերությունների հաստատման 30 ամյակին։

. title=
Copyright © 2008-2024; The Institute of Oriental Studies.All rights reserved.
The website was developed under the sponsorship of Rouben Karapetyan, Ambassador Extraordinary and Plenipotentiary of the Republic of Armenia in the Arab Republic of Egypt.
Designed by G.Pashayan
Coding by G.Petrosyan (CLN)