ՀԱՅ ENG РУС
Մեր մասին
Տնօրինություն, վարչական անձնակազմ
Ինստիտուտի գրադարան և հրապարակումներ
Նորություններ
Հայտարարություններ
Արևելագիտությունը Հայաստանում
Երիտասարդ արևելագետ
Գիտական խորհուրդ
Ասպիրանտուրա և մագիստրատուրա
Միջազգային կապեր
Կապ մեզ հետ
Հայտարարություններ
2011.10.19
ՀՀ ԳԱԱ ԱՐԵՎԵԼԱԳԻՏՈՒԹՅԱՆ ԻՆՍՏԻՏՈՒՏԻ ԵՐԻՏԱՍԱՐԴ ԱՐԵՎԵԼԱԳԵՏՆԵՐԻ XXXII ՀԱՆՐԱՊԵՏԱԿԱՆ ԳԻՏԱԿԱՆ ՆՍՏԱՇՐՋԱՆԸ
2011 թ. հոկտեմբերի 12-13-ը ՀՀ ԳԱԱ Արևելագիտության ինստիտուտում տեղի ունեցավ երիտասարդ արևելագետների XXXII հանրապետական գիտական նստաշրջանը: Այն նվիրված էր Հայաստանի Հանրապետության անկախության 20-ամյակին:
Միջոցառման կազմակերպիչն էր ՀՀ ԳԱԱ Արևելագիտության ինստիտուտի երիտասարդ արևելագետների խորհուրդը: Գիտաժողովին մասնակցում էին ՀՀ ԳԱԱ Արևելագիտության ինստիտուտը, ՀՀ ԳԱԱ Հայոց ցեղասպանության թանգարան ինստիտուտը, Երևանի պետական համալսարանը, Հայկական պետական մանկավարժական համալսարանը, Ռուս-Հայկական (Սլավոնական) համալսարանը, Գյումրիի պետական մանկավարժական ինստիտուտը, Էթնո-մշակութային գիտական հետազոտությունների կենտրոնը, Պատմամշակութային արգելոց թանգարանների և պետական միջավայրի պահպանության ծառայությունը, Քաղաքական հետազոտությունների ինստիտուտը, ՀՀ պաշտպանության նախարարությունը և Մարտին Լյութերի համալսարանը (Հալլե, Գերմանիայի Դաշնային Հանրապետություն):
Նստաշրջանի բացմանը ելույթ ունեցավ Արևելագիտության ինստիտուտի երիտասարդ արևելագետների խորհրդի նախագահ Ս. Գրիգորյանը, ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար, ՀՀ ԳԱԱ ակադեմիկոս Յու. Սուվարյանը, Արևելագիտության ինստիտուտի տնօրեն, ՀՀ ԳԱԱ թղթակից-անդամ Ռ. Սաֆրաստյանը։
Գիտաժողովի շրջանակում անցկացվեց 8 նիստ հետևյալ խորագրերով. «Իրանագիտություն», «Թուրքագիտություն», «Արաբագիտություն», «Հին և միջնադարյան պատմություն», «Արևելյան Ասիա», «Միջազգային հարաբերություններ», «Ցեղասպանություն»։
Երկօրյա նստաշրջանի շրջանակում զեկուցումներով հանդես եկան 44 երիտասարդ գիտնական, այդ թվում Իրանի Իսլամական Հանրապետությունից և Գերմանիայի Դաշնային Հանրապետությունից: Մասնակիցները անդրադառցան Մերձավոր, Միջին և Հեռավոր Արևելքի, Կովկասի երկրների ու ժողովրդների պատմության, միջազգային հարաբերությունների և արևելյան մշակույթի, ինչպես նաև ցեղասպանագիտության արդիական մի շարք հիմնահարցերին, ներկա քաղաքական զարգացումներին:
Գիտական նստաշրջանի լավագույն նյութերը ընդգրկվելու են ինստիտուտում հրատարակվող «Մերձավոր Արևելք» ժողովածուի VIII հատորում:
Գիտաժողովի նպատակն էր բացահայտել արևելագիտության ասպարեզ մուտք գործող շնորհալի և խոստումնալից երիտասարդների, այս կերպ նպաստելով Հայաստանում արևելագիտության զարգացմանը:

. title=
Copyright © 2008-2024; The Institute of Oriental Studies.All rights reserved.
The website was developed under the sponsorship of Rouben Karapetyan, Ambassador Extraordinary and Plenipotentiary of the Republic of Armenia in the Arab Republic of Egypt.
Designed by G.Pashayan
Coding by G.Petrosyan (CLN)