|
|
|
|
|
|
|
|
|
| 2015.03.23 |
| Դուք հրավիրվում եք մասնակցելու Հայոց ցեղասպանության 100-ամյա տարելիցին նվիրված «Հայոց ցեղասպանություն-100... |
|
|
|
|
Հարգելի՛ գործընկեր,
Դուք հրավիրվում եք մասնակցելու Հայոց ցեղասպանության 100-ամյա տարելիցին նվիրված «Հայոց ցեղասպանություն-100. ճանաչումից` հատուցում» միջազգային գիտաժողովին, որը տեղի կունենա 2015 թ. հոկտեմբերի 15-16-ը: Գիտաժողովի կազմակերպիչներն են ՀՀ Գիտությունների Ազգային Ակադեմիան և Երևանի Պետական Համալսարանը:
Գիտաժողովում նախատեսվում է հետևյալ հիմնախնդիրների քննարկումը`
• Հայոց ցեղասպանություն. պատմություն, տեսություն, հիշողություն, աշխարհաքաղաքականություն:
• Ցեղասպանության հետևանքների վերացման և հատուցման իրավաքաղաքական ու սոցիալ-տնտեսական հիմնախնդիրները:
• Հայոց ցեղասպանության արտացոլումը գրականության մեջ և արվեստում:
• Մշակութային ցեղասպանություն` «Սպիտակ Եղեռն»:
Սույն շրջաբերականին կցվում են գիտաժողովին մասնակցելու պայմանները ծանուցող գրությունը և հայտի ձևը:
Գիտաժողովի աշխատանքային լեզուներն են հայերենը, ռուսերենը, անգլերենը:
Զեկուցումների հիմնադրույթները կհրատարակվեն:
Խնդրում ենք Ձեր մասնակցության վերաբերյալ հայտը մինչև 2015 թ. 1-ը հուլիսի ուղարկել գիտաժողովի պատասխանատու քարտուղար պ.գ.թ. Գոռ Մարգարյանին հետևյալ հասցեով`
Երևան 0019, Մարշալ Բաղրամյանի պ., 24/4,
ՀՀ ԳԱԱ Արևելագիտության ինստիտուտ
Հեռախոս` (+374 93) 587809
Էլ. փոստ` info@orient.sci.am
Գիտաժողովի կազմկոմիտե
Հարգելի մասնակից
Զեկուցման հիմնադրույթները պետք է ուղարկել հետևյալ էլեկտրոնային հասցեով` info@orient.sci.am: Ներկայացնելու վերջին ժամկետը՝ 1-ը հուլիսի 2015 թ.:
● Համակարգը՝ Microsoft Word, A4 չափի, 3 էջից ոչ ավելի (եթե հիմնադրույթները հայերեն են, ապա ամփոփումները պետք է լինեն ռուսերենով և անգլերենով, եթե ռուսերեն` հայերենով և անգլերենով, և եթե անգլերեն` հայերենով, ռուսերենով /յու-րաքանչյուրը` մինչև 15 տող` ներառյալ հեղինակի անունը, ազգանունը, զեկուց¬ման խորագիրը/):
● Տեքստի տառատեսակը` Sylfaen (հայերեն), Times New Roman (ռու-սերեն և անգլերեն):
● Տառերի չափը` 12 (հղումների համար` 9), հղումները` տողատակում, հերթական համարակալմամբ:
●Ներկայացվող նյութերում պետք է պահպանված լինի հետևյալ հերթականությունը`
ա) հեղինակի անունը,ազգանունը, երկի¬րը (փակագծում),
բ)խորագիրը,
գ) տեքստը,
դ) ամփոփումը:
Զեկուցման տևողությունը` մինչև 15 րոպե:
Գիտաժողովի կազմկոմիտեն իրավասու է մերժելու այն զեկուցումները, որոնք արդեն հրատարակվել են:
Գիտաժողովի կազմկոմիտե
|
|
|
|
|
|
|
|
|
|
|
