|
|
|
Ինստիտուտի գրադարան և հրապարակումներ |
|
|
|
|
|
|
|
|
|
|
|
|
|
|
| 2009.01.02 |
| Հովհաննիսյան Նիկոլայ, Հայոց ցեղասպանությունը արաբական պատմագիտության քննական լույսի ներքո, Թեհրան, 2009: |
|
|
|
|
Հովհաննիսյան Նիկոլայ, Հայոց ցեղասպանությունը արաբական պատմագիտության քննական լույսի ներքո, Թեհրան, 2009, “Սիյամաք” հրատ, 319էջ (պարսկերեն):
Բազմավաստակ գիտնական և միջազգային մեծ հեղինակություն վայելող պատմական գիտությունների դոկտոր, պրոֆեսոր, ՀՀ ԳԱԱ թղթակից անդամ Նիկոլայ Հովհաննիսյանի ուսումնասիրություններում նշանակալի տեղ է գրավում Հայոց ցեղասպանության հիմնահարցերի գիտական լուսաբանությունը: Հայոց ցեղասպանությանը նվիրված նրա աշխատությունները թարգմանվել են աշխարհի տասը լեզուներով և հրատարակվել տարբեր երկրներում, անգամ Թուրքիայում: 2009թ. հունվարին Թեհրանում հրատարակվեց նրա «Հայոց ցեղասպանությունը արաբական պատմագիտության քննական լույսի ներքո» մեծարժեք աշխատությունը:
Սույն աշխատությունում Ն.Հովհաննիսյանը քննության է ենթարկել այնպիսի առանցքային հարցեր, ինչպես Հայոց ցեղասպանությանն անդրադառնալու արաբական պատմագիտության մոտիվացիան, արաբական պատմագիտությունը Օսմանյան կայսրության էության մասին, Հայոց ցեղասպանության նախադրյալները, հայկական հարցը հայերին ֆիզիկապես ոչնչացնելու ուղիով լուծելու թուրքական բանաձևը, պանթուրքիզմը և հայկական պատնեշի վերացման հարցը, «արմենոցիդը որպես ամենագենոցիդային գենոցիդ» արաբական տեսադրույթը, արաբ ժողովրդի ասպնջականությունը 1915թ. Հայոց ցեղասպանության ժամանակ և արաբների մարդասիրական դիրքորոշումը հայերի նկատմամբ և այլ հարցեր: Մանրազնին կերպով ուսումնասիրելով այդ հարցերի լուսաբանությունը արաբական պատմագիտության մեջ, պրոֆեսոր Ն. Հովհաննիսյանը եկել է այն եզրակացության, որ արաբական պատմագիտական միտքը Օսմանյան կայսրությունում 1915թ. կատարված ողբերգությունը համոզված կերպով համարում է ցեղասպանություն, XX դարի մարդկության պատմության սև էջը, որը հանցանք է ոչ միայն հայ ժողովրդի, այլև համայն մարդկության դեմ, որի համար պատասխանատու են երիտթուրքական մարդասպանները:
Ն.Հովհաննիսյանի աշխատության պարսկերեն լեզվով հրատարակելու շնորհիվ այժմ հնարավորություն է ստեղծվում, որ Հայոց ցեղասպանության և երիտքուրքերի ոճրագործության վերաբերյալ առարկայական և անաչառ ճշմարտությունը տարածում գտնի ոչ միայն մեր հարևան և բարեկամ երկրում` Իրանում, այլև իրանական լեզվամշակութային արեալին պատկանող ժողովուրդների շրջանում:
|
|
|
|
|
|
|
|
|
|
|
|
