Արևելագիտության ինստիտուտի Թուրքիայի բաժնի առաջատար գիտաշխատող Հասմիկ Ստեփանյանը տպագրության է պատրաստել Հակոբ Պարոնյանի հայատառ թուրքերեն ստեղծագործությունների ժողովածուն: Գրքի թարգմանությունը, առաջաբանը և ծանոթագրությունները Գառնիկ Ստեփանյանինն ու Հասմիկ Ստեփանյանինն են:

Ինչպես նշվում է գրքի առաջաբանում՝ հայատառ թուրքերեն գրականությունը քիչ է ուսումնասիրվել: Այն մեր մշակույթի անքակտելի մասն է և սպասում է իր ուսումնասիրողներին: Այս հատորը, որն ուղղված է նաև Պարոնյանի գործի երկրպագուներին՝ հրաշալի հնարավորություն է ավելի լիարժեք ծանոթանալու մեծ երգիծաբանի տաղանդին: