Նոյեմբերի 25-ին ԵՊՀ-ում տեղի ունեցավ «Չինաստան-Հայաստան ռազմավարական գործընկերություն. ենթատեքստեր և հեռանկարներ» վերտառությամբ միջազգային գիտաժողովը, որը կազմակերպվել էր Երևանի պետական համալսարանի, Չինաստանի հասարակական գիտությունների ակադեմիայի Ռուսաստանի, Արևելյան Եվրոպայի և Կենտրոնական Ասիայի ուսումնասիրությունների ինստիտուտի, ինչպես նաև ՀՀ ԳԱԱ Արևելագիտության ինստիտուտի համագործակցությամբ։

Գիտաժողովի առաջին նիստի նախագահող ՀՀ ԳԱԱ Արևելագիտության ինստիտուտի տնօրեն Գոհար Իսկանդարյանը հանդես եկավ ողջույնի խոսքով՝ ընդգծելով հայ-չինական գիտական համագործակցության խորացման կարևորությունը։

Գիտաժողովի ընթացքում ի թիվս այլ բանախոսների ելույթով հանդես են եկել Արևելագիտության ինստիտուտի Միջազգային հարաբերությունների բաժնի գիտաշխատողները․

• Արամ Աբաջյանը՝ “Armenia’s Participation in the Processes of the Shanghai Cooperation Organization: Achievements, and Prospects” թեմայով,
• Արմեն Մանվելյանը՝ “China and the Eurasian Transcontinental Routes” թեմայով։

Գիտաժողովը մեկ հարթակում համախմբել էր հայ և արտասահմանյան առաջատար գիտնականների, փորձագետների և դիվանագետների, ովքեր քննարկեցին Չինաստանի և Հայաստանի համագործակցության նոր ուղղությունները, տարածաշրջանային գործընթացները և միջազգային քաղաքականության արդի մարտահրավերները։