|
|
|
|
|
|
|
|
|
| Հոկտեմբերի 27-ին ՀՀ ԳԱԱ Արևելագիտության ինստիտուտում կլոր սեղան-քննարկում... |
|
|
|
|
Հոկտեմբերի 27-ին ՀՀ ԳԱԱ Արևելագիտության ինստիտուտում կլոր սեղան-քննարկում տեղի ունեցավ Իրաքյան Քրդստանում անկախության հանրաքվեի և դրա շուրջ զարգացումների վերաբերյալ: Քննարկմանը մասնակցում էին ինստիտուտի տարբեր բաժինների աշխատակիցներ:
Քննարկումը բացեց ԱԻ տնօրեն, ակադեմիկոս Ռուբեն Սաֆրաստյանը: Նա ընդգծեց թեմայի կարևորությունը թե Հայաստանի համար, թե աշխարհքաղաքականության համատեքստում և հանդես եկավ իրավիճակի վերաբերյալ գնահատականով:
Հիմնական զեկույցով հանդես եկավ Միջազգային հարաբերությունների բաժնի գիտաշխատող Մուշեղ Ղահրիյանը: Նա անդրադարձավ Իրաքյան Քրդստանում անցկացված անկախության հանրաքվեի պատճառներին, հանրաքվեից առաջ քրդաբնակ շրջաններում քաղաքական, տնտեսական իրավիճակին: Մ. Ղահրիյանը ներկայացրեց նաև տարածաշրջանային պետությունների, ինչպես նաև գերտերությունների դիրքորոշումները քրդական հանրաքվեի հարցում և իրադարձությունների զարգացման մի շարք սցենարներ:
Զեկույցից հետո հարց ու պատասխան սկսվեց բանախոսի և քննարկման մասնակիցների միջև, որից հետո ներկա մասնագետները հանդես եկան իրենց տեսակետներով, դիտարկումներով և նկատառումներով: Իրաքյան Քրդստանում և դրա շուրջ առկա իրավիճակի վերաբերյալ, մասնավորապես, գնահատականներով հանդես եկան պրոֆեսոր Վահան Բայբուրդյանը, Տաթևիկ Մանուկյանը, Լևոն Հովսեփյանը, Արաքս Փաշայանը, Արմեն Մանվելյանը. Զվարթ Հովսեփյանը:
Քննարկմանն արծարծվեցին Քիրքուքում հնարավոր զարգացումների, տարբեր երկրների կողմից քրդական անկախությանն աջակցելու կամ չընդունելու, նավթային, քրդերի հասարակական կառուցվածքի և հարաբերությունների և մի շարք այլ թեմաներ:
|
|
|
|
|
|
|
|
|
|
|
