ՀԱՅ ENG РУС
Մեր մասին
Տնօրինություն, վարչական անձնակազմ
Ինստիտուտի գրադարան և հրապարակումներ
Նորություններ
Հայտարարություններ
Արևելագիտությունը Հայաստանում
Երիտասարդ արևելագետ
Գիտական խորհուրդ
Ասպիրանտուրա և մագիստրատուրա
Միջազգային կապեր
Կապ մեզ հետ
Նորություններ
Համագործակցության հուշագիր
Համագործակցության հուշագիր
Հայաստանի Հանրապետության Գիտությունների ազգային ակադեմիայի Արևելագիտության ինստիտուտի և Մոնղոլիայի Գիտությունների ակադեմիայի Պատմության և ազգագրության ինստիտուտի միջև


2021թ. մարտի 16-ին ստորագրվել է համագործակցության հուշագիր ՀՀ Գիտությունների ազգային ակադեմիայի Արևելագիտության ինստիտուտի և Մոնղոլիայի Գիտությունների ակադեմիայի Պատմության և ազգագրության ինստիտուտի միջև:
Համաձայնագիրը ստորագրել են ՀՀ ԳԱԱ Արևելագիտության ինստիտուտի տնօրեն Ռոբերտ Ղազարյանը և Մոնղոլիայի Գիտությունների ակադեմիայի Պատմության և ազգագրության ինստիտուտի տնօրեն Ծերենդորջ Ծեգմեդը:
Հուշագիրը նպատակ ունի խթանել և զարգացնել հիշյալ գիտակրթական հաստատությունների միջև արդյունավետ փոխգործակցությունը պատմության, աղբյուրագիտության, բանասիրության և արևելագիտության բնագավառներում մասնագիտական փորձի և տեղեկատվության փոխանակման, գիտական հանդիպումների, գիտաժողովների և սեմինարների կազմակերպման, հնագիտության, մատենագրության և թվային հումանիտար գիտությունների բնագավառներում փոխհամագործակցության և համանման այլ ձևաչափերով:
Կայացած առցանց հանդիպման ընթացքում ՀՀ ԳԱԱ արևելագիտության ինստիտուտի տնօրեն Ռ. Ղազարյանը և Մոնղոլիայի Գիտությունների ակադեմիայի Պատմության և ազգագրության ինստիտուտի տնօրեն Ծերենդորջ Ծեգմեդը ընդգծեցին և կարևորերցին հայ-մոնղոլական պատմական առնչությունների, հայկական աղբյուրների՝ մոնղոլների և մոնղոլական կայսրության վերաբերյալ հաղորդումների ուսումնասիրությունների հարցերը: Մոնղոլիայի Գիտությունների ակադեմիայի Պատմության և ազգագրության ինստիտուտի տնօրեն Ծերենդորջ Ծեգմեդը երկու գիտական կենտրոնների միջև այս համագործակցությունը բնութագրեց որպես պատմական իրողություն՝ ընդգծելով այն հանգամանքը, որ թե խորհրդային, և թե հետխորհրդային ժամանակաշրջանում հայաստանյան և մոնղոլական գիտական կենտրոնների միջև նմանօրինակ գիտական կապեր երբևիցե հաստատված չեն եղել, և սա առաջին քայլն է այդ ուղղությամբ:

. title=
Copyright © 2008-2022; The Institute of Oriental Studies.All rights reserved.
The website was developed under the sponsorship of Rouben Karapetyan, Ambassador Extraordinary and Plenipotentiary of the Republic of Armenia in the Arab Republic of Egypt.
Designed by G.Pashayan
Coding by G.Petrosyan (CLN)