|
|
|
|
|
|
|
|
|
| Սույն թվականի օգոստոսի 16-ին ՀՀ ԳԱԱ Արևելագիտության ինստիտուտը հյուրընկալեց Հայաստանի Հանրապետությունում Սիրիայի Արաբական Հանարապետության արտակարգ... |
|
|
|
|
Սույն թվականի օգոստոսի 16-ին ՀՀ ԳԱԱ Արևելագիտության ինստիտուտը հյուրընկալեց Հայաստանի Հանրապետությունում Սիրիայի Արաբական Հանարապետության արտակարգ և լիազոր դեսպան դր. Նորա Արիսյանին:
Հանդիպմանը ներկա էին ՀՀ ԳԱԱ Արևելագիտության ինստիտուտի տնօրեն Ռոբերտ Ղազարյանը, Արաբական երկրների բաժնի վարիչ Լիլիթ Հարությունյանը, Միջազգային հարաբերությունների բաժնի վարիչ Արաքս Փաշայանը, արտաքին կապերի գծով քարտուղար Վահե Այվազյանը:
Հանդիպման ընթացքում ընդգծվեց Հայաստան-Սիրիա գիտակրթական կապերի սերտացման ու խորացման կարևորությունը, շեշատադրվեց այն յուրահատուկ դերը, որ խաղում է Սիրիան տարածաշրջանում ՀՀ գործընկեր արաբական երկրների շարքում:
Դր. Նորա Արիսյանը, որն իր թեկնածուական ատենախոսությունը պաշտպան է ՀՀ ԳԱԱ Արևելագիտության ինստիտուտում, կարևորեց այն ջերմ մադկային և գիտական կապերը, որ վերջինս ունի ՀՀ ԳԱԱ Արևելագիտության ինստիտուտի իր գործընկերների հետ: Դեսպանն, իր հերթին, ընդգծեց Հայաստանի առանձնահատուկ դերը Սիրիայի տարածաշրջանային արտաքին քաղաքականության առանցքում: Նա շեշտեց, որ որպես դեսպան պատրաստակամ է նպաստել հայ-սիրիական հարաբերությունների սերտացմանը՝ մեծապես օգտագործելով նաև երկու երկրների գիտական ներուժը:
Հանդիպման ընթացքում քննարկվեց երկկողմ գիտական կապերի ոլորտային ընդլայնման հնարավորությունները, պայմանավորվածություն ձեռք բերվեց, որ դեսպանն առաջիկա ամիսներին հանդիպում-քննարկման ձևաչափով ելույթ կունենա Արևելագիտության ինստիտուտում: Տեղի ունեցավ նաև գիտական հրատարակությունների փոխանակում: Դեսպանը նվեր ստացավ Ինստիտուտի վերջին՝ նաև օտարալեզու հրատարակությունները:
Այնուհետև ոչ պաշտոնական մթնոլորտում դր. Նորա Արիսյանը հյուրընկալվեց ինստիտուտի Արաբական երկրների բաժնում, որտեղ մասնագիտական քննարկման արդյունքում հստակեցվեցին ՀՀ ԳԱԱ Արևելագիտության ինստիտուտի և ՀՀ-ում Սիրիայի դեսպանատան միջև գիտական ոլորտում թիրախային համագործակցության ուղենիշները:
|
|
|
|
|
|
|
|
|
|
|
