ՀԱՅ ENG РУС
Մեր մասին
Տնօրինություն, վարչական անձնակազմ
Ինստիտուտի գրադարան և հրապարակումներ
Նորություններ
Հայտարարություններ
Արևելագիտությունը Հայաստանում
Երիտասարդ արևելագետ
Գիտական խորհուրդ
Ասպիրանտուրա և մագիստրատուրա
Միջազգային կապեր
Կապ մեզ հետ
Նորություններ
Սեպտեմբերի 22-23-ին ՀՀ ԳԱԱ Արևելագիտության ինստիտուտում անցկացվեց «Կինը Արևելքում» խորագրով միջազգային գիտաժողովը
Սեպտեմբերի 22-23-ին ՀՀ ԳԱԱ Արևելագիտության ինստիտուտում անցկացվեց «Կինը Արևելքում» խորագրով միջազգային գիտաժողովը: Մինչ գիտաժողովի սկսվելը, ներկաները հոտնկայս և մեկ րոպե լռությամբ հարգեցին մեր հայրենիքի սահմանների պաշտպանության համար նահատակված մարտիկների հիշատակը:
Լիագումար նիստից առաջ գիտաժողովում «Հայոց հնագույն դիցուհու պաշտամունքի մնացուկներն Արցախում ու Սյունիքում» կարևոր դասախոսությամբ հանդես եկավ հայտնի լեզվաբան Հրաչ Մարտիրոսյանը:
Գիտաժողովի ժամանակ ներկայացվեց խեթական կանացի զգեստի վերակազմություն: Վերակազմության հիմքում Մարաշի ուշխեթական հնավայրի հուշակոթողներից մեկն էր, իսկ օգտագործված նախշերի հիմքում՝ խեթական հնագիտական նյութն է: Զգեստը նախագծել և փայլուն իրականացրել է Apache Cosplay Studio-ի տնօրեն և դիզայներ Ռուբինա Կաֆիևան:
Գիտաժողովի մասնակիցները հանդես եկան հետաքրքիր բովանդակալից զեկույցներով, որոնք ժամանակագրական տեսակետից ներառում էին հնագույն դարերից մինչև արդիականություն ընկած ժամանակաշրջանը, իսկ արծարծվող հարցերի ընդգրկամբ՝ լեզվաբանական, բանասիրական, արվեստագիտական, հնագիտական, պատմագիտական ոլորտները: Զեկուցումները ուղեկցվել են ակտիվ քննարկումներով և մտքերի փոխանակությամբ: Գիտաժողովի նյութերը կհրապարակվեն առանձին ժողովածուով, որը նվիրվելու է մարտի դաշտում զոհված հայ կանանց հիշատակին:

. title=
Copyright © 2008-2023; The Institute of Oriental Studies.All rights reserved.
The website was developed under the sponsorship of Rouben Karapetyan, Ambassador Extraordinary and Plenipotentiary of the Republic of Armenia in the Arab Republic of Egypt.
Designed by G.Pashayan
Coding by G.Petrosyan (CLN)