ՀԱՅ ENG РУС
Մեր մասին
Տնօրինություն, վարչական անձնակազմ
Ինստիտուտի գրադարան և հրապարակումներ
Նորություններ
Հայտարարություններ
Արևելագիտությունը Հայաստանում
Երիտասարդ արևելագետ
Գիտական խորհուրդ
Ասպիրանտուրա և մագիստրատուրա
Միջազգային կապեր
Կապ մեզ հետ
Հայտարարություններ
2022.06.29
Ս.թ. հուլիսի 4-ին ժամը 10:30-ից մինչև 16:30-ը ՀՀ ԳԱԱ Արևելագիտության ինստիտուտը կազմակերպում է միջազգային գիտաժողով՝ «ԾՈՑԻ ԱՐԱԲԱԿԱՆ ԵՐԿՐՆԵՐՆ...
Հարգելի գործընկերներ և ուսանողներ,
Ս.թ. հուլիսի 4-ին ժամը 10:30-ից մինչև 16:30-ը ՀՀ ԳԱԱ Արևելագիտության ինստիտուտը կազմակերպում է միջազգային գիտաժողով՝ «ԾՈՑԻ ԱՐԱԲԱԿԱՆ ԵՐԿՐՆԵՐՆ ՈՒ ՀԱՅ ՀԱՄԱՅՆՔՆԵՐԸ. ԱՐԴԻ ՄԻՏՈՒՄՆԵՐ ԵՎ ՀԻՄՆԱԽՆԴԻՐՆԵՐ» (“GULF ARAB COUNTRIES AND THE ARMENIAN COMMUNITIES: CURRENT TRENDS AND ISSUES”) թեմայով:

Գիտաժողովը նպատակ ունի դիվանագիտական և ակադեմիական շրջանակների ներգրավմամբ` գիտական դիվանագիտության հարթակում (platform of Science diplomacy) քննարկել արդի փուլում միջազգային և տարածաշրջանային զարգացումների առանցքում Ծոցի արաբական երկրների դերակատարումը, Հայաստան - Ծոցի արաբական երկրներ համագործակցության հնարավորությունները, ինչպես նաև այդ երկրներում հայ համայնքների զարգացման միտումները, առկա հիմնախնդիրներն ու մարտահրավերները:
Գիտաժողովին մասնակցելու են մի շարք դիվանագետներ՝ Թունիսի Հանրապետությունում և Մարոկկոյի Թագավորությունում Հայաստանի Հանրապետության արտակարգ և լիազոր դեսպան, ԱՄԷ-ում ՀՀ նախկին դեսպան դր. Արշակ Փոլադյանը, Էրբիլում ՀՀ գլխավոր հյուպատոս պր. Արշակ Մանուկյանը, ՀՀ-ում և Վրաստանում Եգիպտոսի Արաբական Հանրապետության արտակարգ և լիազոր դեսպան պր. Բահա Դեսուկին, ՀՀ-ում Արաբական Միացյալ Էմիրությունների դեսպանության գործերի ժամանակավոր հավատարմատար (Chargé d'affaires) դր. Ահլամ Ռաշիդ ալ-Սալամին, ՀՀ-ում Իրաքի դեսպանության գործերի ժամանակավոր հավատարմատար դր. Սուհեյլան Մ. Խալիլ Ալ-Ջուբուրին, ՀՀ-ում Սիրիայի Արաբական Հանրապետության նորանշանակ արտակարգ և լիազոր դեսպան դր. Նորա Արիսյանը:
Գիտաժողովին ողջույնի խոսքով հանդես կգա ԵՊՀ Արևելագիտության ֆակուլտետի դեկան պր. Ռուբեն Մելքոնյանը, զեկուցումներով հանդես կգան առաջատար հետազոտողներ Ծոցի արաբական երկրներից (ԱՄԷ, Քուվեյթ, Կատար), ՀՀ ԳԱԱ Արևելագիտության ինստիտուտից, Երևանի պետական համալսարանից և Վ. Բրյուսովի անվան պետական համալսարանից:
Սիրով սպասում ենք բոլորիդ:
Հրավերն ու գիտաժողովի ծրագիրը կցված են:

Հասցե՝ Մարշալ Բաղրամյան 24, ՀՀ ԳԱԱ նախագահության նիստերի դահլիճ

Աշխատանքային լեզուներ՝ հայերեն, արաբերեն


. title=
Copyright © 2008-2023; The Institute of Oriental Studies.All rights reserved.
The website was developed under the sponsorship of Rouben Karapetyan, Ambassador Extraordinary and Plenipotentiary of the Republic of Armenia in the Arab Republic of Egypt.
Designed by G.Pashayan
Coding by G.Petrosyan (CLN)